Beauty Tips For Weight Loss

Weight Loss Tips in Urdu:

Smart bannay ki khuahish bhala kisay nahi hoti magar is kay auwaleen shart motwazan ghiza kay sath sath baqaidah warzish hai baaz khawateen ka yeh kheyal hota hai keh shayed apni khorak mein ghair mamuli kami ya faqah kar kay woh apnay motapay ko kam kar satki hain jabkeh yeh nazaryah qatyi tor par ghalat hai kiun keh insani jism ko jis qadar khorak ki zaroorat hoti hai is kay kam khanay say jism kamzor to ho satka hai magar aap smart annay ka dawa nahi kar saketein balkeh is kay liye aap ko apni khorak kay sath sath warzish aur subah sham halki phulki walk ko bhi rozmarrah ka mamool banana chahiye.
Exercise kay liye is baat ko bhi mad e nazar rakhana chahiye keh yeh aap ki sehat umer aur jismani taqat kay mutabiq honi chahiye. Kiun keh motapay ko taqat ka naam nahi dia ja sakta balkeh yeh baat tibbi mahereen kay mushahday mein aayi hai keh motay aur jismani tor par bhari bharkam afrad ki majmuyi sehat ghair tasalli bakhsh hoti hai. Maslan ziadah door chalnay, wazan uthanay ya shiryan waghairah charhnay say in ki sans phool jati hai dil ki dharkan teiz ho jati hai aur sans waghirah ki problem bhi aam ho jati hai is liye mota pay ko door karnay kay liye jab bhi aap warzish karein to sab say pehlay is baat ko mad e nazar rakhaien keh aap is waqt jo warzish kar rahay hain kahin woh aap ki sehat ya jism kay liye noqsan dah to nahi hai.
Motapay mein har fard ki pehli koshish pait aur muscles par numayan honay walay motapay kay khatrat ko kam karna hota hai jis kay liye aap bazaar mein dasteyab machines ki madad say bhi warzish kar sakti hain. Is kay liye behtar hai keh aap apnay physiotherapist say maswarah karein aur in ki hedayat par amal karein. Aap is baat ko apnay pesh e nazar rakhein keh mota pa kam kar na buhat aasan hai magar is kay liye khas asoolon ko mad e nazar rakhna buhat zaroori hai.

Wazan kam karnay ka behtareen tareeqah yahi hai keh
  • Hum kam khayein aur achi saaf suthri khorak khayein.

  • Raat ko khanay kay baad thora sa walk acha hai. Lekkin diting kay maqsad say ziadah tar bhuka rehna aur buhat ziadah warzish karna sehat kharab karnay kay motrdif hai.

  • Phir wazan kam karnay ka apna program banatay huye aap ko yeh baat bhi mad nazar rakhna chahiye keh aap ki din bhar ki rotien kia hai. Agar to aap ki routine tuf hai to phir apni khorak ka khas kheyal rakhain aur warzish waghirah say parhaiz karein lekin agar aap ki rotien bari sehal hai aur aap ko din bhar mein koi khas jismani moshaqqt nahi karna parti to phir aap apni khorak bhi kam rakhain aur halki phulki warzish bhi karein.

  • Aap kay zehan mein hona yeh chahiye. Keh aap nay khood ko jismani tor par fit rakhna hai chunancha diting kay tarikay aisay ho keh aap tar-o-taza bhi nazar aayein aur smart bhi kayi khawateen ko dekha gia hai keh dieting kay baad woh apnay wazan ko kafi had tak kam karnay mein kaamyaab to ho jati hain magar cheray ki husn-o-shadabi say hath dho baithti hain yeh is liye hua keh inhon nay motwazan ghiza khana chor di aur sirf sabziyon aur phalon par aktafa karna shuru chr di aur sirf vegetable aur phaon par aktaf karna shuru kar dia. Jis ka natijah phir baad mein bar aamad hua chunanchah zaroori hai keh jism ko woh ghizayi ijza milay jo aik sehat mand jism kay liye zaroori hain.

Author Profile on Facebook

0 Responses to “Beauty Tips For Weight Loss”

Post a Comment

Subscribe to: Post Comments (Atom)
All Rights Reserved Health and Beauty